Видеа

Кратки видеа од самата програма, без регистрација и без форма. Снимени се од Стожер како што работи, а не од презентација.

Видеата се со македонска нарација и титлови.

Посебни карактеристики

Одделни видеа за една работа од почеток до крај, снимени од екранот додека се одвива.

Фотографирај и прокнижи · 1:18

Од телефон до нацрт влезна фактура

Фактурата од добавувачот е на хартија. „Прими од телефон“ покажува QR-код; телефонот на истата Wi-Fi мрежа го скенира, ја фотографира фактурата и ја праќа право на овој компјутер, без апликација, без сметка и без облак. Стигнува во приемното сандаче и AI моделот на фирмата ја чита: добавувач, ставки, ДДВ по стапки и вкупно. Лево е документот, десно нацртот, збировите проверени со аритметика. Човек проверува и зачувува; нацртот е подготвен, а книжењето останува Ваш клик.

Гледајте го видеото

Увоз · 4:00

Увоз: од документ до набавна цена

SmartPisar ги чита четирите документи од еден увоз: фактурата за стоката, фактурите за превозот и за шпедицијата и царинската декларација. Стожер ги презема како нацрти врзани по МРН (две од фактурите во евра, по курсот на НБРМ), прави приемница од ставките препознаени по баркод (услугата не се прима), ги книжи фактурите, во увозната калкулација ја пресметува набавната цена по единица со царината и зависните трошоци (превозот, шпедицијата и консултантската услуга од фактурата) и ја внесува стоката во залиха. Пакетот за сметководител го покажува целиот увоз како едно книжење во рамнотежа, со калкулацијата и документите, а ДДВ-04 го покажува увозот во поле 27 и 28.

Гледајте го видеото

Преминување · 2:10

Преминување: од старата програма до прв работен ден

Табелата од старата програма станува каталог во Стожер. Колоните се препознаваат сами: од шифрата и баркодот до готов производ, следење по серии и рок на траење; за новите артикли се избира сметка и стапка на ДДВ, а готовите производи сами одат на својата сметка. Количините и набавните цени стануваат приемница за почетна залиха, која пред книжењето бара потврда, зашто налогот за почетна состојба нема сторно. Втората табела ги носи нормативите: веднаш активни, со цена на чинење и маржа.

Гледајте го видеото

Производство · 1:54

Производство: од рецепт до цена на чинење

Рецептите се нормативи: тестото е полупроизвод, лебот го троши тестото, а цената на чинење и маржата се гледаат уште во нормативот. Дневниот план го нуди вчерашниот и прави четири работни налози одеднаш, со трудот и енергијата преземени од вчера; книжењето оди прво со тестото, па со лебот, а готовиот леб заминува во продавницата. Од налогот произлегуваат калкулација во која цената на чинење е набавна цена, извештај за производство усогласен со главната книга и серија со рок, следлива до продавницата.

Гледајте го видеото

AI-помошник · 1:41

AI-помошник: прашајте на македонски, одговор од Вашите книги

Ctrl+J го отвора помошникот покрај екранот на кој работите. Кој ни должи и кој доцни: одговорот доаѓа од извештајот за старост на побарувањата, со имиња и износи. Кои серии леб истекуваат: од извештајот за серии пред истек. Каде се прави дневниот план: од упатството на Стожер, патеката и чекорите. А кога треба нешто да се запише, помошникот подготвува понуда и ја покажува за потврда; ништо не се зачувува додека не кликнете „Потврди“. Вклучен е во секое издание, со Ваш клуч.

Гледајте го видеото